Жамшитбек аке, эшикке чыгыңыз!

Өзгөндүн тың чыкмалары сүйөп-сүйрөп олтуруп Жамшитбек аттуу жолчуну транспорт министри кылып коюшту эле. Жолдорду оңдобой эле аталасын чыгарып жатат. Анысын мейли деп олтурсак, кашайып кызматкерлери мамлекетке 16 миллион зыян келтирип ийгенин эшиттик. 16 миллион сом эмес, 16 сом жегенге эч кимдин акысы жок. Мунун баарын көрбөй, министр деги эмнени көзөмөлдөп
жатат же кол алдындагыларга кошулуп казынага суук колун ал да салып ийди бекен. Талкан сугунуп алгансып, ооз ачпайт да. Жигиттик намысы болсо ушунун баарына көзөмөлдөбөй калыпмын деп арызын жазып, кетип калсын. Болбосо ар кандай кептер чыга берет. Деги ушунча сом казынадан кызматкерлер сугунуп ийгенче кантип эле билбей калды экен ыя? Ай, бир нерсе бар ушул жерде.

Булак: “Де-Факто”

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *