Жазаларды аткаруу кызматы мамлекетке 10 миллион сомдон ашык зыян келтирген

Жазаларды аткаруу мамлекеттик кызматынын өкүлдөрү мамлекетке ири өлчөмдөгү зыян келтиргендиги аныкталды. Бул тууралуу Улуттук коопсуздук мамлекеттик комитетинин басма сөз кызматынан билдирди.

Маалыматка караганда, Кылмыш-жаза кодексинин 304, 171, 189, 350, 306 жана 315-беренелери боюнча козголгон кылмыш ишин тергөөдө Жазаларды аткаруу мамлекеттик кызматынын көчмө механизацияланышкан колоннасынын жана “САСЭМ” жабык акционердик коомунун оңдоп-түзөө ишмердүүлүгүнө аудит жүргүзүлгөн.

Жыйынтыгында, алдын ала эсептөөлөр боюнча мамлекетке 10 миллион сомдон ашык зыян келтирилгени аныкталган.

Учурда тергөө иштери уланууда.

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *