Жогорку Кеңеште мамлекеттик ММКларды жеке жактарга сатуу сунушталды

Бүгүн, 26-декабрда парламентте мамлекеттик ММКларды жеке жактарга сатуу сунушталды. Бул тууралуу пленардык отурумда депутат Жанар Акаев билдирди.

Жогорку Кеңеште “Пирамида” ТРКсына кошумча 6 миллион сом бөлүп берүү жөнүндө маселе талкууланууда. Эл өкүлдөрүнүн көпчүлүгү аталган сунушту колдогон жок.

Жанар Акаевдин айтымында, “Пирамиданын” бюджетин депутаттар тагдыр чечүүчү маселедей эле карап жатышат. “Бул биздин ишмердүлүгүбүздү чагылдырып жаткан жалгыз канал, биз болсо акча аяп жатабыз”, – деди ал.

“Аянтта жаңы жылдык балаты турат. Анын баасы 10 миллион сомду түзөт. Бирок эки жумадан кийин ал алынат. Бул жерде болсо бир жылга каражат сурап жатышат, а биз нааразыбыз”

Ошондой эле депутат келечекте мамлекеттик массалык маалымат каражаттарын, анын ичинде “Бешинчи канал” менен “Кабар” маалымат агенттигин жеке жактарга сатуу керектигин кошумчалады. Парламентарийдин айтымында, мамлекет начар менеджер экен. Ал эми эгерде бийликке журналисттердин колдоосу керектелсе, аларды башка жерден тартууга болот.

Булак:KyrgyzToday

Ой-пикир жок

Жооп калтыруу

Сиздин электрондук почтаңыз жарыяланбайт. Милдеттүү талаалар белгиленген *