Жалал-Абад шаарында жайгашкан саламаттык сактоо мекемелеринин имараттары сатылып же шаардык муниципалдык башкармалыгына өтүп кеткен. Бул тууралуу областтык саламаттык сактоо координатору Маматжан Миянов билдирди.
Анын айтымында, шаардык муниципалдык башкармалыгына өтүп кеткен, сатылып кеткен имараттарда бүгүнкү күндө мамлекеттик ишканалар менен менчик ишканалар жайгашкан.
“Жалал-Абад шаардык №2 балдар поликлиникасы (Ж.Бакиев көчөсү) 2001-жылы Ооган согушунун фондуна өткөрүлүп берилген. Чехов көчөсүндө жайгашкан шаардык тиш дарылоо мекемеси областтык мамлекеттик мүлк агентствосу тарабынан аукцион аркылуу менчик “Азиз табак” фирмасына 2004-жылы сатылып кеткен. Мурдагы областтык төрөт үйү (Исакулов көчөсү) 2001-жылы шаардык муниципалдык башкармалыгына өтүп кеткен. Бүгүнкү күндө бул жерде областтык реподуктивдик саламаттык борбору, областтык соттук-медициналык борбору жайгашкан. Ошондой эле мындан сыткары шаардык кургак учукка каршы диспансеринин имараты 2001-жылы шаардык муниципалдык башкармалыгына өтүп кеткен”,-дейт М.Миянов.
КОММЕНТАРИЙ КАЛТЫРУУ