Белгилүү журналист, “Азия ньюс” гезитинин башкы редактору Асланбек Сартбаев КСДП партиясынан Бишкек шаарына мэрдикке талапкер катары көрсөтүлгөн Албек Ибраимовдун өтө сабатсыз жазган жазуу ишин текшерип, аны сынактан өткөргөн КР Президентинин алдындагы Мамлекеттик тил комиссиясынын төрагасы Эгемберди Эрматовдун жана комиссиянын курамынын составы отставкага кетишин тала кылып пост жазды.
“Бишкек мэрине талапкер Албек Ибраимов кыргыз тилинен сынак тапшырып атып, одоно кемчиликтерди кетиргени тангалдырды! Өзгөчө стилистикалык, орфографиялык, грамматикалык каталарды кетиргени, эң жөнөкөй сөздөрдү жаза албаганы коомчулук астында талкуу жаратты. Мындай көрүнүштөн кийин, мамлекеттик тил комиссиясынын төрагасы токтоосуз түрдө отставкага кетип, курамы тарап кетсин! Ошол жерде мени 5 жыл окуткан агайларым дагы жүрөт, бирок, дүжүрлүктүн чеги болбойбу? Ал эми чындык жүзүндө “2” алган Албек мырза Кулматовдон калган “калбырды” кургуйга түшүрөрү эмитен эле байкалды. Адилетсиздик менен Бишкек мэри келип атса, а биз бишкектиктер качанкыга чейин унчукпай отурабыз?” – деп жазат Асланбек Сартбаев.
КОММЕНТАРИЙ КАЛТЫРУУ