Адилет Айтикеев, журналист: “Мелис Мырзакматов Кыргызстандагы китепти эң көп окуган саясатчылардын катарына кирет, бул кишиде нукура башкаруучулук талант, көрөңгө, тубаса саясый акыл бар”

“Мелис Мырзакматов менен күндөп-түндөп, жумалап маектешип, сүйлөшүп отурган адам катары ал киши туралуу абдан бийик ойдомун.

Мелис Мырзакматов Кыргызстандагы китепти эң көп окуган саясатчылардын катарына кирет жана ал киши кызыкпаган, талкуулабаган тема жок. Кайсыл теманы талкуулабагын ал киши 1-2 контрольный вопрос менен ордуңа коюп коет. Дүйнөлүк саясат, геополитика, державалардын тиреши, полководецтер, менмин деген ойчулдар, саясий ишмерлер, диктаторлор, созидателдер менен разрушителдер, аскердик тактика, мамлекетти башкаруудагы ыкмалар, деги койчу, бардык темада бул киши менен талкуу жүргүзүү абдан кызыктуу өтөт.

Биз Мырзакматовго чоң-кичине саясатты үйрөтө албайбыз. Бул кишиде нукура башкаруучулук талант, көрөңгө бар. Тубаса саясый акыл бар. Ошондуктан башкасына акыл айтсак да Мырзакматовго акыл үйрөтпөй шүк отурганыбыз оң го дейм досум (Жанар Акаев), кандай дейсиң? Андан көрө сен экөөбүз Салянова менен Жанна Д Арктын айырмасын чаташтырбай билип алганыбыз олжо деп ойлойм. Сөз төркүнүн түшүнгөн чыгарсың, эстүү эле баласың го…”