КР Президентине караштуу Мамлекеттик тил боюнча улуттук комиссиянын алдындагы Окуу-маалымат борбору прокуратура кызматкерлерине “Юридикалык терминдер кыргыз тилинде” аттуу окуу семинарын өткөрүп жатат. Аталган окуу семинары Европа Союзу тарабынан каржыланып, КР Башкы прокуратурасынын Прокурор кызматкерлерин кесипке даярдоо борбору тарабынан уюштурулган. Мамлекеттик тил боюнча сабаттуулугун арттыруу үчүн республиканын бардык аймактарынан кызматкерлер келишкен.
Прокурор кызматкерлерин кесипке даярдоо борборунун директору Д.Каимова: “Мыйзам долбоорлору жана башка укуктук-ченемдик актылар алгач расмий тилде даярдалып, андан соң мамлекеттик тилге которулганда айрымдарынын мааниси жагынан бир топ ажырымдар пайда болуп келет. Ушул көйгөйдү чечүү үчүн жана прорукорлук ишти алып барууда, иш кагаздарын жүргүзүүдө мамлекеттик тил талаптагыдай колдонулуусун камсыздоо максатында окуу курсун уюштурдук,” – деп билдирди.
Учурда жүрүп жаткан “Юридикалык терминдер кыргыз тилинде” аттуу окуу семинарында дасыккан окутуучулар Окуу-маалымат борборунун директору А.Т.Исманкулова, методист Т.Н.Абылкасымова жана Мамлекеттик тил боюнча улуттук комиссиянын котормо бөлүмүнүн башкы адиси Мундузбек Абдыжапар уулу иш алып барып жатат.
Menu
ОКШОШ МАКАЛАЛАР
КОММЕНТАРИЙ КАЛТЫРУУ