Menu

Трансформация маселесин Өкмөт жылдырууга бел байладыбы?

Бөлүшүү:

“Трансформация маселесин буга чейин, бир канча ирет көтөрүп чыктык. Жакында эле 9-февралда Жогорку Кеңештин спикери Асилбек Шарипович кабыл алып, ушул биринчи кварталда Жогорку Кеңеште мыйзам долбоорун көтөрөөрүн айткан. Спикердин айтымында, ведомсвтолор аралык комиссиянын корутундусунун негизинде Өкмөт Жогорку Кеңешке мыйзам долбоорун алып келмек. Анын негизинде Өкмөттүн өкүлдөрүнүн жана Жогорку Кеңештин депутаттарынын катышуусунда чоң тегерек стол уюштурдук”, — деп билдирди бүгүн, 29-мартта Кyrgyztoday.kg маалымат агенттигине “Трансформация” кыймылынын тескөөчүсү Бекназар Айталиев билдирди.

“Мамлекеттик экотехникалык инспекция мыйзам долбоорун даярдап жаткандыгын кабарлаган. Бирок андан бери канча убакыт өтсө дагы мыйзам оордунан жылбай жаткандыгына байланыштуу биз бүгүн, 29- мартта митинг өткөрүүгө аргасыз болдук. Өкмөт үйүнүн алдында өткөргөн митингге агро өнөр жай комплексинин төрагасынын орун басары элге чыгып, төмөндөгүдөй маалымат берди. “Өкмөт мыйзам долбоорун толугу менен жактырды. Ведемстволор аралык комиссиянын корутундусун колдойт. Бүгүн  же эртең Жогорку Кеңештин тийиштүү комитетине киргизебиз” – деп жар салды. Митингге талап коюп келген элдер Өкмөттүн өкүлүнө ыраазычылык билдирип, Жогорку Кеңеш аталган мыйзам долбоорун кароону кечеңдете берсе кайрадан Жогорку Кеңештин алдына митингге чыгарын баса белгиледи”, – деди Бекназар Айталиев.

транс байке

Митингге аймактардан дагы атайын өкүлдөр келген. Алсак Ысык –Көл облусундагы “Трансформация” кыймылынын тескөөчү өкүлү Учкунбек Сакилов: “Биздин Ысык-Көл облусу боюнча 1991 – жылдан бери трансформацияга кирбеген жерлер бар. Айта кетсек, Түп районундагы айылдар, Тогуз-Булак айыл аймагы, Шаты, Бирлик дегеле жалпысынан алганда 802 гектарды түзөт. Жети – Өгүз районунун Дархан айылында 17 гектар көйгөйлүү жер бар. Ушул жерлерде жашаган миңдеген адамдар трансформациясы бүтпөгөндүгүнө байланыштуу кыйналып жашап жатышат. Булардын маселесин, Өкмөт менен Жогорку Кеңеш тез аранын ичинде чечип берүүсүн талап кылабыз”, – деди.

IMG-20160329-WA0000

IMG-20160329-WA0003

IMG-20160329-WA0005

 

Гүлжан Шерипбаева, Кyrgyztoday.kg

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 54 − = 50

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: