2015-жылы 31-декабрда Баткен облусуна караштуу Кара бак айыл өкмөтүнүн башкы жер адиси Абдурасул Таштанов жер бөлүштрүү аукцион өткөрүп жатканда, мыйзамдын чегинен чыгып, жерди аукцион учурунда Д.Гафуровдун кызыкчылыгына чечтирип берүүгө алдын-ала соодалашкан. Убада боюнча 30 миң сом бермек. Д.Гафуров пара сурап жатат деп күч органына билдирүү жасаган, Баткен облустук ИИБ атайын ыкчам топ түзүп, кармоо операциясын ийгиликтүү ишке ашырган. Жыйынтыгында А.Таштанов пара алып турган жеринен кармалып, бардык юридикалык шарты менен иш жүргүзүлгөн.
Кармоо учурунда, видео тасмага түшүрүлүп, Баткен ИИБ ыкчам тобуна, коррупцияга каршы иш алып барган жана аракеттери мактаганга татыган. Бирок көп өтпөй эле Таштанов Абдурасул жоопкерчиликтен бошоп, кайра эле өз кызматында иштеп жатат. Мындай жорукка жергиликтүү тургундар аябай нараазы болушууда. Көрсө А.Таштановдун колдаочусу Ак үйдүн шоопуру экен деп айтылып жүрөт.
Тергөөдө А.Таштанов пара алганын мойнуна алган, ошондой эле Баткен райондук соттук териштруудө, пара алгандыгы тууралуу кылмышы толугу менен далилденет. Сот процессинде А.Таштанов Д.Гафуровдан кечирим сураганын, сот Каримжанов И.Г. эске алып, Д.Гафуровдун 30 000 сом чыгымын өндүрүп, ошондой эле А.Таштановго 150 000 сом айып салган.
Чындыгында Таштанов Сотту жакшы эле майласа керек, болбосо тергөө убагында эле, тергөөчү акчасын алып ишти бүтүрүп салмак. Канча эмгек менен ыкчам топ милициянын аракеттери текке кетти, ошо сотко иштеп бергендей эле болушту. Таң калычтуусу пара берген Ж.Гафуровду баш кылып, кармаган ыкчам топ оперлерди А.Таштанов шылдыңга алып, кайра эле өз кызматында иштеп жүрөт дейт. Кызыгы мындай кылмышкер деп таанылган А.Таштановду айыл өкмөтү, райондук акимият админстрациялык кодексти бузгандыгы үчүн, пара алып калгандыгын эске албай, кайра эле материалдык жоопту кызматка коё береби? Коррупция менен ушинтип курөшөбү? Же өкмөттүн талабын айыл өкмөттөр уруп ойнобойбу? Айылдык жер адиси дагы Ак үйдөӊ «крыша» күтүп, жер сатуу майлуу сүттүү болуп чоң бизнеске айланганбы? Айыл өкмөтү, Айылдык кеңеш депутаттары, райондун акими мындай жат көрүнүштү тез арада чечпесе нараазычылык акциянын майданына кабылат.
Качкынбек БУЛАТОВ, укук коргоочу
КОММЕНТАРИЙ КАЛТЫРУУ