Menu

Мамлекетке караштуу имараттарды ижарага берүүдөн түшкөн каражаттардын бөлүнүү катышын кайра ыраатташтыруу демилгеси талкууланды

Бөлүшүү:

Жогорку Кеӊештин Экономикалык жана фискалдык саясат боюнча комитетте мамлекетке караштуу имараттарды ижарага берүүдөн түшкөн каражаттардын бөлүнүү жолжоболорун кайрадан ыраатташтырууга багытталган “Кыргыз Республикасынын айрым мыйзам актыларына өзгөртүүлөрдү киргизүү жөнүндө” мыйзамдын долбоору каралды. Ал үчүн “Салык эмес төлөмдөр жөнүндө”, “Тарыхый-маданий мурастарды коргоо жана пайдалануу жөнүндө”, “Билим берүү жөнүндө” жана “Маданият жөнүндө” мыйзамдарга түзөтүүлөрдү киргизүү зарыл.

Иштеп жаткан мыйзамда маданият мекемелеринин имараттарын ижарага берүүдөн түшкөн каражаттар 30х70 катышындабөлүнүп, каражаттын 30 пайызы республикалык бюджетке, ал эми 70 пайызы ошол имараттарды күтүү багытында жумшалып келген. Өкмөт ал каражатты 50х50 катышында бөлүү сунушун киргизген. Алардын пикиринде, ижарадан түшкөн каражат көлөмү барган сайын өсүп жаткандыктан, ал имаратты күтүүгө багытталган каражаттын өлчөмү кыскарбайт.

Талкуу жүрүшүндө бир катар депутаттар маданий жайларынын, билим берүү мекемелеринин имараттарын ижарага берүүдөн түшкөн каражаттын бөлүнүшүн кайра кароо сунушуна каршы пикирин билдирип, ижара акысынын 70 пайызын мекеменин өзүндө калтырып, 30 пайызын республикалык бюджетке которуу сунушун берген. Ошондон улам, комитет мүчөлөрү менен өкмөт өкүлдөрү каражаттын бөлүнүү катышын Өкмөт өзү белгилесин деген чечимге келген.

“Кыргыз Республикасынын айрым мыйзам актыларына өзгөртүүлөрдү киргизүү жөнүндө” мыйзамдын долбоору комитет мүчөлөрүнүн сунушунтарын эске алуу менен, экинчи окууда жактырылды.

 

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

33 − = 27

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: