“Аксы районунун Кербен шаардык Кеңешинин 6-чакырылышынын кезексиз 21-сессиясындагы кабыл алынган токтом. Бул токтом Өкмөттүн «чогулуш протоколунун» негизинде келген тапшырмага ылайык, кезексиз сессияда кабыл алынган. Азыркы убакта Өкмөт ал протоколду жокко чыгарып, башка варианттын көрсөтүүдө. Бул боюнча кылмыш иши козголуусу керек деп эсептейбиз. Протоколдун кайсынысы туура экендигин аныктап, көз карандысыз экспертиза дайындоо керек. Кербен шаардык кеңеш Өкмөттүн түзмө-түз протоколунун негизинде ушундай токтом кабыл алган. 22 депутат адашып калгандай баарысын билимсиз дейсиздерби? Арасында мектеп директорлору дагы бар. Мамлекеттик телеканалдар болушунча маалыматты бурмалап, элге туура эмес маалымат таркатууда. Кудайдан корксоңор боло, акыретте сурак бар”,-деп жазып калтырган жаш саясатчы Руслан Бекназаров өзүнүн Facebook баракчасына.
Эске сала кетсек, Темир Сариев 2015 – жыл 11-ноябрда 18-177 номерлүү буйрукка өзү кол коюп, Унгар-Тоодогу РРС-24 Кербен станциясын Унгар-Тоонун таандыгы аныкталганга чейин башка жерге көчүрүү сунушун берген. Бул сунушка Аксы районунун жергиликтүү депутаттары кезексиз жыйын өткөрүп, 22 депутат Үңкүр-Тоосундагы станцияны жылдырууга “каршы” добушун берген.
Гүлжан Шерипбаева, Кyrgyztoday.kg
КОММЕНТАРИЙ КАЛТЫРУУ