Кыргызстанда карапайым элдин жонун тилип алынган акчага каржыланып, жалаң бийликке кызмат кылган жана оппозицияны шыбаган, жөн эле шыбабай, жерден алып көргө, көрдөн алып ташка урган, өз аты унутулуп, “кара жащик” аталып калган, эски аты КТРК деген телеканал бар.
Көрсө, саясый жактан бузулган бул каналда иштегендер моралдык жактан да бузулуп бүтүптүр. Алардын эфир менен экранды “шабашкага” айланткан колу туткактыгын, трайбализм орногон бөлүнүп-жарылуусун айтпай ак коңлу, практикага келген жаш кыздарды “эфирге чыгасың” деп алдап, төшөк кумарын кандырган аңгилери да бар экен. Жакында ошол “өнөр” менен алектенип жүргөн бир продюсердин “төшөк оюну” ачыкка чыгып, аны биздин гезит коомчулукка жарыялаган болчу. Бирок баарынан таң каларлыгы, он гүлүнөн бир гүлү ачыла элек секелек кыз абийири булгангандыгы боюнча башкы директор И.Карыпбековго кайрылса, ал “знать не знаю” деп кубалап чыгыптыр. Көрсө, ал бир эле факты үчүн “таланттуу” кызматкерин жумуштан кетире албайм дептир. Жок дегенде 2-3 арыз түшүш керек экен. Эфирге чыкпай калганы аз келгенсип, намысы да тебелегенген кыздын арыз-арманына Байкоочу кеңеш да жарытылуу жооп бербегендиктен, ал айласы кетип, милицияга арыз жазыптыр. Андан көрө “кара жащиктеги” далай интригиларды жакшы билген мурдагы директору, азыркы Акыйкатчы К.Оторбаевге да кайрылса болмок экен…
Булак: “Майдан.kg”
КОММЕНТАРИЙ КАЛТЫРУУ