Панама прокуратурсынын уюшкан кылмыштуулук менен күрөшүү бөлүмүнүн кызматкерлери Mossack Fonseca юридикалык компаниясын тинтүүгө алды. Компания “арам акчаны адалдоо” жана террордук ишмердүүлүктү каржылоого шектелип жатат.
Фирманын имараты бир нече саат аралыгында эле курчоого алынды. Панаманын Башкы прокуратурасы кабарлагандай, тинтүүнүн максаты ММКларга жайлып кеткен баяндамаларга тиешеси бар документтерди чогултуу болуп саналат. Панама өкмөтү каржы секторундагы өтө маанилүү болгон транспаренттүүлүктү камсыз кылуу үчүн баардык кадамдарга барууга даяр экенин билдири.
Mossack Fonseca болсо, баардык операциялардын мыйзамдуу экендигин, кардарлар үчүн офшордук компанияларды жана эсептерди ача тургандыгын, бирок алардын ишмердүүлүгүнө киришпесин ырастоодо. Юридикалык компания компьютерлери чабуулга кабылып, миллиондогон документтери уурдалып, жабыр тартып жатканын кошумчалаган. Документтердин жоголуп кеткендиги боюнча арыз беришкен. Дүйшөнбү күнү тергөөчүлөр келип, фирманын жумушулары менен сүйлөшүүлөрдү жүргүздү.
Журналист-иликтөөчүлөрдүн эл аралык консорциуму жана бир нече өлкөнүн гезиттери 3-мартта Mossack Fomseca фирмасына таандык документтерди коомчулукка жарыялаган. Натыйжада, көптөгөн өлкөлөрдүн жогорку даражалуу атка минээрлеринин, алардын туугандарынын, ишкерлер, спорт жана маданият кызматкеринин офшордо мүлкү бар экендиги аныкталган. Алардын арасында Орусияга тиешеси бар төрт фирманын аты аталган.
КОММЕНТАРИЙ КАЛТЫРУУ