Тендердин айынан териси тескери сыйрылып кала жаздаган экс-премьер-министр Темир Сариев жол куруудагы мыйзамсыз жүрүштөрү боюнча аягына чейин күрөшөрүн, керек болсо, Аргынбек Малабаевди каматып ийгенден кайра тартпай тургандыгын кыйытууда. Бул эми Темикенин текиреңдегени. Аныгында, Аргынбек агабыз жаңы өкмөт башчы Сооронбай Жээнбековдун жакын кайниси, арылатканда Алмаз Шаршенович менен апасы жагынан тууган экендигин көпчүлүк биле бербейт. Ошон үчүн канчалык бут тосушпасын, “отко салса күйбөгөн, сууга салса чөкпөгөндөй” образ жаратып жаткан Малабаевди премьер кезинде Темир Сариевдин кызматтан алууга “тиши өтпөй” койгондугу да бекеринен эмес. Андыктан, Аргынбек мырзанын жоопко тартылышы кыйын. Тамырлуу жигит. Кичине убакыт өткөн соң, Малабаев мартабалуу кызматка келбесе эле мага келгиле! Мурдумду туура кесип берейин…
Булак: “Азия news”
КОММЕНТАРИЙ КАЛТЫРУУ