2-май күнү Бишкек шаарынын Некрасов менен Бөкөнбаев көчөлөрдүн кеслишинен, белгисиз балдар күч колдонуп, колунан уюлдук телефонун жана 300 сом акчасын тартып жиберген 32 жаштагы С.Ш. атуу жаран арыз менен кайрылган. Бул тууралуу шаардык милициянын басма сөз кызматы билдирди.
Маалыматка караганда Ленин райондук ички иштер башкармалыгынын кылмыш иликтөө бөлүмүнүн кызматкерлери тарабынан изи сууй электе шектүү деп, 29-33 жаштардагы төрт жаран кармалып, Бишкек шаарынын ички иштер башкы башкармалыгынын убактылуу кармоочу жайга камалган. Кармалгандар дагы бир нече кылмышка шектелип, тергөө амалдары жүрүүдө.
КОММЕНТАРИЙ КАЛТЫРУУ