Алмазбек Атамбаев өкмөткө Баткен облусунун Кадамжай районунда жүргөн селдин кесепеттерин жоюу боюнча бардык чараларды көрүүнү тапшырды.
Мамлекет башчысы селден улам каза тапкан беш адамдын жакындарына көңүл айтып, аларга материалдык жардам көрсөтүү максатында өз фондунан 500 миң сом бөлүп берди.
Кадамжай – Айдаркен унаа жолун таштардан тазалоо иштери аягына чыгып калды. Бул ишке ӨКМдин техникасы тартылган.
Орозбеков атындагы айылда үч турак-жай олуттуу зыян тарткан. Зыяндын көлөмү такталууда. Өзгөчө кырдаалдар министри Кубатбек Бороновдун айтымында, Кыргызстандын дээрлик бардык тоолуу айылдары сел коркунучуна кириптер болушу ыктымал.
КОММЕНТАРИЙ КАЛТЫРУУ