Menu

Жалал-Абад: 4 жаран “Хизб-ут-Тахрир” уюмунан чыккандыгын билдирди

Бөлүшүү:

Кечээ, 2-июнда Жалал-Абад шаарынын 4 тургуну маалымат жыйын өткөрүшүп, “Хизб-ут-Тахрир” экстремисттик уюмунан чыккандыгын билдиришти. Бул тууралуу Жалал-Абад ОИИБнын басма-сөз кызматынын ага тескөөчүсү Мыктыбек Турдубеков билдирди.

Маалыматка караганда “хизбутчулар” бул уюмдун мыйзамсыз, туура эмес жол экендигин түшүнүп, мындан ары аны колдобостугун жана бул уюмга түшүнбөй кирип алгандарды кайрадан салттуу ислам динине чакыраарын билдиришти.

Жалал-Абад облусунда акыркы убакта бул уюмдан чыккандардын саны арбып баратат. 2015-жылы 7 адам өз эрки менен чыгышса, быйылкы жылдын 5 айында эле 8 адам (Жалал-Абад шаарындагы 4 атуулду кошпогондо) чыккан жана алар каттоодон алынган.

Учурда медреселерде, мечиттерде, окуу жайларда күч кызматкерлери, илимдүү дин кызматкерлеринин жардамында экстремизмди алдын алуу максатында биргеликте жолугушууларды уюштуруп келет.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

− 6 = 4

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: