Menu

Жогорку Кеӊеш социалдык мекемелерге берген 23 автоунаанын бирөө жараксыз болуп чыкты

Бөлүшүү:

Жогорку Кеӊеш тарабынан өлкөнүн социалдык мекемелерине берилген 23 автомашинанын бирөө гана жараксыз болуп чыккан, калганы толугу менен пайдаланылууда. Бул тууралуу бүгүн, 3-июнда «Кыргызстанда парламентаризмди өнүктүрүү» темасында өткөн иш-чара жүрүшүндө белгилүү болду. Парламентаризм күнүнө карата уюштурулган иш-чарага депутаттар Дастан Бекешев, Наталья Никитенко, Талант Мамытов, ошондой эле саясий эксперттер катышты.
Депутат Наталья Никитенко Жогорку Кеӊеш депутаттарынын автомашина сындуу артыкчылыктардан баш тартуусу – өлкөдө жаӊы жөрөлгөнүн, саясий маданияттын калыптануу жышааны болуп санала турганын белгиледи. «Мамлекеттик кызмат адамдары азыр кирешелерин эле эмес, ар жылдык чыгымдарын да ачыкка чыгарып, той-аштарды өткөрүү каадасынан, ар кандай ашыкча чыгымдардан баш тарта баштады. Биз мындай демилгелерди колдошубуз керек», – деп кошумчалады эл өкүлү.

Белгилей кетсек, 2015-жылы Жогорку Кеӊеш ар жылы 4-июнда Парламентаризм күнүн белгилөө жөнүндө токтом кабыл алган. Ошондон улам, быйыл 4-июнда Парламентаризм күнү алгачкы жолу белгиленет.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

8 + 1 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: