Menu

Абдишүкүр ажы Нарматов кыргызстандыктарды Рамазан айы менен куттуктады

Бөлүшүү:

Урматтуу мекендештер, кымбаттуу кадырман мусулман бир туугандар!
Сиздерди Кыргызстан мусулмандарынын Аалымдар Кеңешинин жана жеке өзүмдүн атымдан ак пейилден улуу Рамазан айынын кирип келиши менен куттуктаймын!
Жараткан Кудай Таала жерибизге тынчтык, береке, элибизге ыйман, ынтымак, сабырдуулук, биримдик, бак-таалай берсин!
Рамазан айы ар бир үй-бүлөгө жакшылык, кубаныч, бакыт, береке алып келсин!

Урматтуу мекендештер!
Рамазан айы – бул кылымдардан бери элдин биримдигин бекемдеген, боорукерлигин жана кайрымдуулугун арттырган майрам.
Рамазан айы – бир диндин, бир ишенимдин коргонунда бизди бириктирген, дилдерди баш коштурган, боордоштукту бекемдеген улуу айлардан болуп саналат. Рамазан айы ак ниеттүүлүккө, кечиримдүүлүккө, ыймандуулукка, кайрымдуулукка жана кең пейилдүүлүккө чакырат. Ушул күндөрү бардык мусулмандар изги-сооптуу иш-аракеттерди жасап, келечекке изги ниет кылып, Жараткан Алла Таалага үмүт-тилектери менен кайрылышат.
Рамазан айы мусулмандар үчүн барга топук, азга каниет кылып, тазалык жана мээримдүүлүк менен жашоого, жалпы эле адамзаттын улуу парздарын аткарууга үндөгөн тарбиясы менен маанилүү. Мына ошондуктан бизди ыйык Рамазан айына жеткирген Алла Таалага канча ирет шүгүр келтирсек аздык кылат.

Улуу Рамазан айында жан дүйнөбүзгө, үй-бүлөбүзгө, өлкөбүзгө, бардык Ислам ааламына, бүтүндөй жер жүзүнө бакыт-таалай, кубаныч менен сүйүнүч ала келүүсүн Жараткан Кудай Тааламдан жалынып суранам! Алла Таала биздин өлкөбүзгө өсүп-өнүгүүнү, бейкутчулукту берсин. Бардык үй-бүлөгө бакыт, тынчтык жана ынтымак каалайм. Дагы бир жолу кирип келген Рамазан айыңыздар кут болсун!

Сиздерди терең урматтоом менен куттуктоо жолдоп,

Аалымдар Кеңешинин төрагасы Абдишүкүр ажы Нарматов

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

80 + = 82

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: