7-июнда саат 10дор чамасында Стамбул шаарынын Беязыт районунда полициянын автобусуна кол салуу болуп, бомба жардырылды. Полиция жардырууда жети кызматкери жана төрт киши каза таап, 36 адам жарадар болгонун билдирет.
Жардыруу Беязыттагы полиция башкармалыгы менен Везнежилер аялмадасынын ортосунда жасалган. Жергиликтүү маалымат булактарында коопсуздук кызматкерлеринин унаасы өтүп бара жаткан маалда токтоп турган автоунаа жардырылганы айтылууда.
Учурда түрк коопсуздук күчтөрү жардыруу болгон жерди көзөмөлгө алып, иликтөө иштери жүрүүдө.
Беязыттагы Везнежилер аялдамасы студенттер көп жүргөн аянт болуп эсептелет. Ага чукул жерде Стамбул университетинин окуу корпустары, кыздар жатаканасы, метро станциясы жана бир нече мейманканалар жайгашкан.
КОММЕНТАРИЙ КАЛТЫРУУ