Жогорку Кеӊештин депутаты Дастан Бекешев бүгүн, 13-июнда парламенттин пресс-борборунда маалымат-жыйын өткөрүп, Кыргыз сокурлар жана дүлөйлөр коомунун жетекчилигинин ишиндеги коррупциялык аракеттер тууралуу кеп салды.
Эл өкүлүнүн айтымында, мүмкүнчүлүгү чектелген адамдар үчүн бөлүнгөн 225 батирдин ичинен 10-15 батир тиешеси жок чоочун адамдарга берилип кеткен. «Ошондон улам, батирлердин бөлүнүү фактысын ар тараптуу иликтөө максатында, жумушчу топ түзүлдү. Бир ай аралыгында текшерүү жыйынтыгы чыгарылат», – дейт ал.
Депутат Кыргыз сокурлар жана дүлөйлөр коомунун мүчөлөрүн жарандык активисттер менен аркандай шылуундардын чагымчыл аракеттерин колдобой, жумушчу топтун иликтөө жыйынтыгын күтүүгө чакырды.
КОММЕНТАРИЙ КАЛТЫРУУ