Menu

Жаңы үлгүдөгү кыргыз паспорту талаш-тартышка жем таштады

Бөлүшүү:

Мамлекеттик каттоо кызматы паспорттун жаңы үлгүсүн иштеп чыгып, анын негизги долбоорун жарыялады. Документте жарандын улуту көрсөтүлгөн эмес. Бул чоң талкууга жем таштады.

Жаңы паспортто адамдын аты-жөнү, жарандыгы, туулган датасы, паспорттун жарактуу мөөнөтү жазылып, кол тамгасы коюлат. Ал эми улуту, жашаган жери, жарандык абалы жана үй-бүлөсү туурасындагы маалымат электрондук чипке сакталат.

Жаңы паспорт үлгүсү мекемелер аралык комиссиянын отурумунда каралып, бекитилген соң юридикалык күчкө ээ болмокчу. Бардык жол-жоболордон өткөндөн кийин ушул жылдын аягында колдонула баштайт.

Улуту туурасындагы маалыматтын алынып салынышы социалдык түйүндөрдө да талаш-тартышты пайда кылды. Айрымдар муну чагымчылдык деп эсептеп, башкалары болсо өлкөдөгү биримдик менен ынтымакты бекемдөөгө болгон аракет катары баалашты.

Буга чейин президенттик аппараттын этникалык саясат бөлүмү 2011-жылы Ысык-Көл жээгинде өткөргөн жыйында паспорттогу “бешинчи графаны” жоюу демилгеси биринчи жолу көтөрүлгөн. Катышуучулардын көпчүлүгү бул коомду ажырымга түртүп жаткандыгын мисал келтиришкен.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

− 1 = 4

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: