Menu

Атамбаев ичкилик болсо кийинки президент сарыбагыштардан болуш керекпи?

Бөлүшүү:

Генерал Кеңешбек Дүйшөбаев жетектеген кыргыздын Сарыбагыш уруусу акыркы учурда аябай активдешти. Ачык курултайларын өткөрүп, байма-бай интервьюларды беришип, кээде жабык жыйындарды уюштуруп иштеп жатканы боюнча маалыматтар тарай баштады. Алардын максаты жакындап келаткан президенттик шайлоону татыктуу тосуу алуу экенин интервьюларында деле ачык айтышыптыр.
Алардын ишеними боюнча келерки президент Сарыбагыштардан болуш керек. Кыргызды алмак-салмак ичкиликтер менен сарыбагыштар гана башкарып келатат. Биринчи кыргыз расмий мамлекет башчысы 1927-жылы ичкиликтерден Абдыкадыр Орозбеков болгон. Биринчи Кыргызстан КП Борбордук комитетинин биринчи секретары да ичкиликтерден Исхак Раззаков болуптур. Анан сарыбагыштардан Турдакун Усубалиев, андан кийин ичкиликтерден Апсамат Масалиев, анан сарыбагыш Аскар Акаев, анан ичкилик Курманбек Бакиев, андан кийин расмий шайланган Алмаз Атамбаевди биздин кулунубуз деп шайлоодо жанталаша жүгүрүшсө эми “мен Кокондукмун, демек ичкиликмин” деп чыкты. Ошондуктан эмки кезек сарыбагыштарга келип турат. Ушул философия менен сарыбагыштар Алмаз Атамбаевге басым жасап, чоң соодалашуу жүрчүдөй. Ошол эле учурда Атамбаевге Россия Кубанычбек Кулматовду мураскер кыласын деп басым жасаса, айланасындагылар “өзүңүз эле калыңыз, айласын табабыз” деп ошол комбинациянын үстүндө иштешүүдө. Кыскасы азыр Атамбаев бул маселеде ар кайсыл күчтөрдүн кысымында калды.
Кызыгы, 2011-жылы “өзүбүздүн бала” деп жанталаша чуркап Атамбаевди президент кылууга кызыкдар болгондор эми 5 жылдан кийин мурдун чүйрүп “ал ичкилик турбайбы” деп кача баштаганы.
Булак: Кyrgyztoday.kg

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha − 2 = 2

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: