ЕБ тышкы иштер министрлери дүйшөмбүдө Люксембургда өткөн жолугушууда Орусияга каршы санкцияларды узартуу маселесин талкуулашты. Анын жүрүшүндө кайчы пикирлер айтылды.
Британия Москванын Украинадагы аракеттерин эске алып, Орусияга карата санкцияларды узартуу керек деген пикирде. Франция аталган өлкө Украинадагы жикчилдерге колдоо көрсөтүүнү токтоткондо гана санкциялар алынарын билдирүүдө. Ошол эле учурда Париж Европа лидерлердин Кремль менен ымала түзүүгө болгон аракеттерин жактайт.
Словакиянын ТИМ башчысы Мирослав Лайчак Европадагы айрым саясатчылар санкцияларды алып таштоону талап кылып жаткандыгын билдирди. Аткаруу бийлиги аларды тоготпой кое албайт. Анын пикиринде, бул маселе боюнча “саясий дискуссия” жүргүзүү зарылдыгы бар. Reuters агенттиги маалымдагандай, Орусияга карата санкцияларды жумшартууну Италия, Болгария жана Грекия колдоодо.
Антсе да бүгүн ЕБ мамлекеттери Орусияга каршы санкцияларды ушул жылдын аягына чейин узартары күтүлүүдө.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ