“Айкөл Ала Тоо” коомунун мүчөлөрү КСДП фракциясынын депутаты Мээрбек Мискенбаевди жана анын орун басарын “Кыргызкөмүр” мамлекеттик ишканасынан бөлүнгөн 2,3 млн сомду кымырып алган деп күнөөлөп жатышат. Бул тууралуу аталган уюмдун бүгүнкү жыйынында Марипа Алыйкулова айтып чыкканын “tazabek.kg” сайты жазып чыкты.
Анын сөзүнө таянсак, 2015-жылы “Кыргызкөмүр” мамлекеттик ишканасы 2,3 млн сом жардам бөлгөндүгү жөнүндө маалымат тараган.
“Жыйындын жүрүшүндө талаш маселе жаралды, суроолор пайда болду. “Кыргызкөмүр” ишканасынан кишилер келгенде Мискенбаев кыжырдана баштады. Анан биз кайрылуу кат жолдодук, шайлоонун алдында Мискенбаев кеткен” – деди ал.
Ал “Кыргызкөмүр” мамлекеттик ишканасы 2014-жылдан бери “Айкөл-Ала Тоо” уюмуна акчалай жардам көрсөтүп келээрин айтты.
Алыйкулова “Транс Азия уголь компания” ишканасы 2 млн 136 миң сом акчалай жардам көрсөткөн. Бирок ал акча кандай пайдаланылгандыгы белгисиз. “Кыргызкөмүр” мамлекеттик ишканасы менен келишим түзүлгөндүгү тууралуу, ага ылайык аталган ишканада “Айкөл-Ала Тоо” уюмунун балдары иштемек, бирок азыр бош орун жоктугун айтып жатышат”, – дейт.
Мунун себебин Алыйкулова Мискенбаев өзүнүн туугандарын киргизип койгондугунан көрүүдө.
Бул боюнча “Айкөл Ала Тоо” уюмунун мүчөлөрү УКМКга жана КСДПнын лидери Иса Өмүркуловго кат менен кайрылып, Мискенбаевге жана анын орун басары А.Жамгырчиевге чара көрүүнү суранып жатышат.
Булак: fakt.kg
КОММЕНТАРИЙ КАЛТЫРУУ