Menu

Токон Мамытов: “Түркия бизге акыл үйрөткөнгө акысы жок”

Бөлүшүү:

Түркия мамлекети Кыргызстандын ички иштерине кийлигишкенге акысы жок. Мындай пикирин, премьер-министрдин кеңешчиси, Кыргызстан элдер ассамблеясынын төрагасы Токон Мамытов жергиликтүү үналгылардын бирине берген маегинде билдирди.

“Түркияда болгон акыркы окуялар тууралуу биздин мамлекет аларга көрсөтмө берип, тигиндей-мындай кылгыла дегенге акысы жок да. Жөн гана кеңеш, сунуштар берилиши мүмкүн. Ал эми Түркиянын тышкы иштер министринин Кыргызстанга жасаган кечээги билдирүүсү такыр туура эмес кадам болду. Биздин ички иштерибизге кийлигишкенге эч кимдин акысы жок”, – дейт Мамытов.

Эске салсак, кечээ Түркиянын тышкы иштер министри Мевлүт Чавушоглу: “Кыргызстанга телефон чалып, кыргыз тышкы иштер министрине “гүленчилерге” болгон көз караштары өзгөрбөсө, биздин да мамилебиз өзгөрөөрүн айттым” – деп билдирүү жасаган.

Буга Кыргызстандын Тышкы иштер министрлиги жооп кылып, Кыргызстан көз карандысыз, эгемен өлкө катары эмне жакшы, эмне жаман экенин өзү чечүүгө кудурети жетете турганын билдирген.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

5 + 3 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: