Menu

Украинада жикчилдердин катарында согушкан өзбек жараны кармалды

Бөлүшүү:

Украина Коопсуздук кызматы Донбасста жикчилдер тарабында согушкан Өзбекстан жаранын кармады. Донецк прокуратурасы кабарлагандай, Ташкенттин 20 жаштагы тургуну граната ыргытуучу болуп кызмат өтөгөн.

Бул тууралуу “Азаттыктын” өзбек кызматына Донецк облусунун прокуратурасынын басма сөз катчысы Татьяна Павленко билдирди.

– Сурак учурунда маалымдалгандай, Ташкентте туулуп, Орусиянын Калуга шаарында каттоодо турган өзбек жараны өз ыктыяры менен “ДНР” терррордук тобуна 2014-жылы кошулган. 20 жаштагы жоокер 2015-жылга чейин “ДНР” терррордук уюмунун Коргоо министрлигинин мотоаткычтар бөлүгүнүн 9-батальонунун 1-курамында кызмат өтөгөн. Ал Украина куралдуу күчтөрүнө каршы ок чыгарган, – деди Татьяна Павленко.

Украина Коопсуздук кызматы жарыялаган видеороликте кармалган жаран өзүн Брыкин Александр Витальевич деп тааныштырган. Ал 1996-жылы 8-августта Өзбекстанда туулган. Видеокайрылууда “ДНРдин” мурдагы өкүлү куралчан топторду Антитеррордук операцияга каршылык көрсөтпөй, багынып берүүгө үндөдү. Мындан тышкары Брыкин 13-августа жикчилдерден качып чыкканы, Мариуполь шаарына келгенде украин атайын кызматтары тарабынан кармалганы белгилүү болду. Учурда ал кылмыш жасоого шектелип, камакка алынды.

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 3 + 3 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: