Кабулда бир сутканын ичинде төртүнчү жардыруу болду. Курман болгондор менен жаракат алгандар боюнча маалыматтар такталууда. Кабулдун борборунда полиция менен эл аралык кайрымдуулук уюмдардын биринин кеңсесине чабуул жасаган согушкерлер ортосундагы кагылышуулар уланууда.
Кол салуунун жыйынтыгында бир киши каза болуп, алтоо жараат алганы кабарланууда.
Кечээ Кабулда үч жардыруу болгон, алардын экөө Коргоо министрлигинин имаратынан алыс эмес жерде орун алган. Жергиликтүү ММКлардын билдирүүлөрү боюнча биринчи бомба аралыктан ишке ашырылып, экинчисин жанкечти жардырган.
Алардын жыйынтыгында 24 адам курман болуп, 91и жаракат алган. Өлгөндөрдүн арасында генерал жана полициянын жогорку кызматтагы эки офицери болгон. Бир канча сааттан кийин шаар борборунда үчүнчү жардыруу орун алып, андан соң атышуулар башталган.
Жардыруулар үчүн буга чейин Кабулда бир канча жолу кол салуу уюштурган «Талибан» ислам кыймылы жоопкерчилик алды.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ