Жалал-Абад областтык китепканасына демөөрчүлөрдөн ошондой эле китепканалардан 5252 китеп белекке келди. Бул тууралуу Жалал-Абад областтык китепкананын директорунун орун басары Катча Исакова билдирди.
-Бул жылы биздин китепканада окурмандар үчүн көптөгөн китептер толукталды. Бишкек шаарындагы Кыргыз китеп палатасынын эмгек жааматынан 345 (1 миллион 300 миң сомдук) китеп келсе, Россия аймагынан белекке 120 китеп келген. Ал эми демөөрчүлөрүбүз Батырканов Шермамат 69 китепти, Ташбаев Салибраим 37 китепти белекке тапшырган. Жергиликтүү жазуучулар да өздөрүнүн китептерин окурмандарга тартуулоо максатында биздин китепканага китептерин берип турушат. Окурмандардан көбүнчө классикалык китептерге суроо-талап көп түшүп, окурмандар саны өсүүдө. Былтыркы жылы 13 миң 500 окурман болсо, бул жылдын 8 айында эле 10 миң 100 окурман катталды. Бул биз үчүн эң чоң жетишкендик, –дейт ал.
Эскерте кетсек, Жалал-Абад шаарындагы боласттык китепкана мындан 90 жыл мурун негизделип, жалпы област аймагындагы агартуу процессине активдүү катышып келет.
КОММЕНТАРИЙ КАЛТЫРУУ