Рио-де-Жанейродо 7-сентябрдан 18-сентябрга чейин уланган XV жайкы паралимпиадалык оюндар аяктады. Жабылуу аземи 18-сентябрь күнү кечинде Бразилиянын борборундагы «Маракана» стадионунда болду.
Эл аралык паралимпиада комитетинин төрагасы Филипп Крэйвен оюндарды уюштургандыгы үчүн бразилиялыктарга ыраазычылыгын билдирди. Ал паралимпиадалык тууну оюндардын кийинки — 2020-жылдагы уюштуруучусу эсептелген Жапонияга тапшырды.
XV жайкы паралимпиадалык оюндарга дүйнөнүн 160 өлкөсүнөн 4000ден ашык спортчу катышты. Алар спорттун 23 түрү боюнча 528 комплект медал үчүн күч сынашты.
Он бир күндүк мелдештердин жыйынтыгы боюнча 239 медалы (107 алтын, 81 күмүш жана 51 коло) менен Кытай курамасы биринчи орунга чыкты. Улуу Британия экинчи орунга жайгашса, 117 медалы менен Украина курамасы үчүнчү орунду алды.
Жалпысынан быйылкы Паралимпиада оюндарында 83 өлкөдөн барган спортчулар медалдарга жетишти.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ