Menu

Атамбаевдин абалы дурус, президент кыска убакытка эмгек өргүү алды

Бөлүшүү:

Президенттин аппарат жетекчиси Фарид Ниязов өлкө башчы Алмазбек Атамбаевдин абалы дурус экенин билдирди. Президент Бишкектен Нью-Йоркко бара жаткан жолдо Түркияда калып, АКШга сапарын токтоткон.

Фарид Ниязовдун айтымында, бүгүн ал телефон аркылуу Атамбаев менен сүйлөштү. Аппарат жетекчиси билдиргендей, учурда өлкө башчысын ооруканага жаткыруу чечими жок. Атамбаев «медициналык кароодон өтүү зарылдыгына байланыштуу» 20-сентябрдан тарта кыска мөөнөткө эмгек өргүүсүнө чыкты.

Буга чейин жүрөгүндөгү көйгөйлөргө байланыштуу Атамбаевдин БУУнун Башкы ассамблеясынын жыйынына катыша албай тургандыгы белгилүү болуп, кыргыз делегациясын Нью-Йоркко жетектеп баруу иши тышкы иштер министри Эрлан Абдылдаевге жүктөлгөн.

БУУнун Башкы ассамблеясынын 71-сессиясында Кыргызстандын мурдагы президенти Роза Отунбаева да баяндама жасайт. Ал Нью-Йоркко ЕККУнун төрагасы жана Германия ТИМинин башчысы Франк-Вальтер Штайнмайердин чакыруусу менен барган.

Маалымдалгандай, Отурбаева Нью-Йоркко болгон сапарынын алкагында 19-сентябрда туруктуу өнүгүү жолдору талкууланган БУУнун лидерлер кеңешинин тогузунчу жыйынына катышкан.

Булак:  “Борбор Азия жаңылыктар кызматы”

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 3 + 7 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: