Москва округдук аскерий соту оппозициячыл саясатчы Борис Немцовдун өлүмү боюнча ишти кароо үчүн соттук коллегия мүчөлөрүн тандады. “Москва” агенттиги адвокат Шамсудин Цакаевге шилтеме кылуу менен шаршемби күнү сот 12 негизги жана 10 кошумча коллегия мүчөсүн тандаганын билдирди.
Алгачкы отурум 3-октябрга белгиленди.
Соттук коллегияны экинчи жолку аракеттен кийин түзүүгө мүмкүн болду. Августтун аягында талапкерлердин көбү жеке себептерден улам ага мүчө болуудан баш тарткан.
Борис Немцовду 2015-жылы 28-февралга караган түнү Москванын борборунда, Кремлден алыс эмес жерде атып кетишкен. Кылмышка мурдагы аскер офицери Заур Дадаев жана чеченстандык төрт киши айыпталууда. Борис Немцовдун туугандары менен тарапташтары буйрутма бергендерди табууну жана иш боюнча Чеченстан башчысы Рамзан Кадыровду суракка алууну талап кылышууда. Алардын пикиринде, кылмышка чечен лидеринин тиешеси бар.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ