Өзбекстандын ар бир жараны пахта теримге өз каалоосу менен чыгууга укуктуу. Бул тууралуу калкка социалдык жана эмгек укуктарын түшүндүрүү боюнча маалыматтык өнөктүктүн жүрүшүндө өлкөнүн Кесиптик кошуундар федерациясы билдирди.
Ошондой эле маалыматта жарандар татыктуу эмгек шарттарына жана каалаган учурда пахта теримге катышуудан баш тартуу укуктарына ээ экени айтылган.
Өзбекстандын мыйзамы жарандарды мажбурлап иштетүүгө жана балдардын эмгегин пайдаланууга тыюу салат. Маалыматтык өнөктүктүн алкагында, өлкөнүн бардык аймактарында мажбурлап иштетүү менен балдар эмгегин пайдаланууга жол бербөө керектиги жазылган жарнак такталар илинген.
Андан сырткары министрликтердин, тиешелүү мекемелердин жана коомдук уюмдардын кызматкерлерин окутуу үчүн усулдук материлдар иштелип чыккан.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ