Москванын чыгышындагы пластик буюмдарын сактоочу кампада чыккан өрттү өчүрүү учурунда 8 өрт өчүрүүчү каза болду. Бул тууралуу 23-сентябрда орусиялык маалымат каражаттары жазышты. Кампанын чатырындагы жалынды өчүрүү учурунда имараттын шыбы урап, өрт өчүрүүчүлөр урандынын алдында калышкан. Учурда өрт кырсыгы боюнча кылмыш иши козголуп, келип чыгуу себептери такталууда. Өрт 22-сентябрь күнү жергиликтүү убакыт боюнча саат 17:30да башталган. “Виктория” ишканасына тиешелүү кампада пластик буюмдары (оюнчуктар жана жасалма гүлдөр) сакталчу. Мындан улам тилсиз жоо аз убакыттын ичинде 4 миң чарчы метр аянтты өрттөгөн.
Булак: Фабула
КОММЕНТАРИЙ КАЛТЫРУУ