Menu

Табылды Акеров, саясат таануучу: “Кадыржан Батыров бийликтин наадан саясатына наадандык менен жооп берди”

Бөлүшүү:

Кадыржан Батыровдун ЕККУда Кыргызтанда азчылык улуттар басмырланат, Конституция өзгөрбөсүн деп айтканга укугу бар беле?

Бул өтө өкүнүчтүү иш болду. Кыргызстандын алсыздыгын, биздин бийликтин карама сокур, оппозициядан башкаларга алы жетпегендигин көрсөттү. Ошол эле учурда ал Кыргызстандын бийлиги жана мурдунан чүлүктөлгөн парламенти кандай наадандык менен Конституцияны өзгөрткөн жатса, К. Батыров да ошондой эле наадандык менен ОБСЕнин сессиясына барып катышып, өзүнүн оюнун жүргүзүп жатканын көрсөтүп жатат. Эгер бийлик конституцияны мыйзамдарга, парламенттин регламентине таянып өзгөртө турган болсо, анда өлкөдө мынча чуу да чыкмак эмес да. Тиги К. Батыровдой акыйкат сотунан качып жүргөн кылмышкерлер өзүн бүтүндөй дүйнөгө жар салып, рекламалай алмак эмес да. Эмне демекпиз, бийлик, ага көз каранды парламент, К. Батыров, Ж. Бакиевдерге алы жетпей, Кыргызстанды бүт дүйнөгө уят кылып жатат шорду бийлик. Парламентте К. Батыровдун бул аракеттерине саясий баа берелик деп бакылдап жатышат. Ал эми К. Батыров бул көз каранды парламентти, өлкөнүн президентин уруп ойнобой ОБСЕден трибуна таап, шылдыңдап жатат. Күнөөнүн баары ошо К. Батыровду саясий аренага чыгууга жана трибуна таап сүйлөөгө шарт түзүп берген биринчи кезекте бийликте жана ага көз каранды парламентте деп ойлойм.

Табылды Акеров, саясат таануучу, тарых илимдеринин кандидаты

Булак: Кyrgyztoday.kg

Эгер бул тексттен ката таап калсаңыз, ошол ката сөздү белгилеп, Ctrl+Enter кнопкаларын чоогу басуу менен билдирип коюңуз.

КОММЕНТАРИЙ КАЛТЫРУУ

Төмөндө көрсөтүлгөн уячаларга керектүү маалыматтарды туура киргизгениңизди текшериңиз.HTML-код киргизүүгө уруксат жок.

Captcha 9 + 1 =

ОКШОШ МАКАЛАЛАР

Меню

Орфографиялык ката тууралуу Отчет

Редакцияга төмөнкү текст жөнөтүлөт: