Мурда мамлекеттик геология кызматын жетектеп, азыр андан да ирилешкен Мамлекеттик өнөр-жай, энергетика жана жаратылыш ресурстарын пайдалануу боюнча комитетти жетектеген Дүйшөн Зилалиевдин ишмердиги анчалык жакшы болбой калды. Жыл башындагы амбициялуу пландарынын көбү ишке ашпай токтоп турат. Мисалы, бир эле “Куттусай-2” алтын кенин алсак, ал кенди иштетүү боюнча канча жолу конкурс жарыяланбады, кызыккан тараптардан арыз түшпөй, конкурс өтпөй калды. Ал гана эмес “Камбар-Ата-1,2 ГЭСтерин курууга да инвесторлорду тартып жатабыз, келгени жатышат” – деп жүрдү эле, азыр алардан да дайын жок. Ап эми жергиликтүү ишкерлер болсо комитет алтынды мындай кой, таш, шагыл, топурак казуу боюнча чакан карьерлерди иштетүүгө жиберген арыздары комитет тарабынан жарым жылдап каралып жатканына нааразычылык билдирүүдө. Демек Дүйшөн мырзанын абалы анча жакшы эмес көрүнөт…
Булак: Фабула
КОММЕНТАРИЙ КАЛТЫРУУ