Транспорт жана байланыш министри Замирбек Айдаров кытайлык “China Road and bridge” компаниясына катталган “Лексус” үлгүсүндөгү жолтандабасды пайдаланып жүргөнү жакында эле маалым болгон эле. Арадан бир апта өтпөй жатып Парламенттеги “Өнүгүү-Прогресс” фракциясы министр мырзаны кызматтан кетирүүнү талап кылып чыкты. Айдаровдун ээрден шыпырылып түшүүсүнө кытайлык компаниянын автоунаасын өзүнүн менчигиндей пайдаланып жүргөндүгү негизги себеп болууда. Бакыйган бир министрлик креслону ээлеп отуруп чет өлкөлүк компаниянын машинесин минип жүрүш этикага деле жатпаса керек. Депутаттар министр Айдаров компаниянын унаасын пайдаланып, ага жан тартып жүргөн деп айыптоодо. Ал эми министр мырза муну четке кагып, чырга себеп болгон унааны кытайлык компанияга кайтарып бергенин билдирди.
Булак: Ачык саясат
КОММЕНТАРИЙ КАЛТЫРУУ