25-октябрдан 27-октябрга чейин туруксуз аба ырайы сакталып турат мезгил-мезгили менен жаан-чачын жаап, Ош, Жалал-Абад, Нарын облустарынын айрым жерлеринде жаан-чачын катуу жаашы күтүлөт. Автожолдор тоңголок, тайгак болушу күтүлөт. Батыштан соккон шамалдын ылдамдыгы секундасына 15-20 метрге жетет.
26-27-октябрда абанын температурасы абдан төмөн болушу күтүлөт: Чүй, Талас, Ысык-Көл, облустарынын дыйканчылык аймактарында түнкүсүн -5…-10° суук, күндүз 0…-5° суук, Ош, Жалал-Абад, Баткен облустарынын өрөөндөрүндө түнкүсүн -1…-6° суук, күндүз 1…6 ° жылуу, Нарын облусунда жана тоолуу райондордо түнкүсүн -11…-16° суук, күндүз -2…-7° суук болушу күтүлөт.
Мындай жаан-чачындуу аба ырайы айыл чарба иштерин, автоунаа, энергетика жана коммуналдык кызматтардын ишин жана жайыттарда малды кармоону кыйындатат.
Шашылыш билдирүүнүн негизинде адамдардын өлүмүнө жеткирбөө жана материалдык чыгымдарды азайтуу максатында, 2016-жылдын 24-октябрында КР ӨКМи тарабынан телефонограмма чыгарылып, тийиштүү Жарандык коргонуу кызматтарына, КР Өкмөтүнүн облустардагы ыйгарым укуктуу өкүлдөрүнө, Бишкек жана Ош шаарларынын мэрлерине жеткирилди жана уюлдук операторлор аркылуу элге СМС билдирүүлөр жөнөтүлдү.
КОММЕНТАРИЙ КАЛТЫРУУ