“Кимди ким көрдү, Быржыбайды там басты” деген азыркы алай-дүлөй заманда дагы бир мамлекеттик деңгээлдеги шойкомдуу окуя болду. Көрсө, баарыбыз көк бөрүдөй талашып жаткан, мамлекетибиздин негизи Башмыйзамы аталган Конституциянын түп нускасы жок экен же жоголуптур.
Анда эмнеге жанталашып жок эле документти өзгөртөбүз деп кырылышып, ит жыгылыш болуп атабыз? Эң кызыгы, “Баардыгы жооп берген жерде эч ким жооп бербейт” деген принцип менен жашаган биздин өлкөдө Конституциянын түп нускасын тиркеп, сактай турган кызмат адамы да, мекеме да жок экен. Ошондуктан “ит итке, ит куйругуна шылтап”, эч ким жоопкерчиликке тартыла элек. Кайра “бул эч нерсе эмес” дегендей түр көрсөтүп, бийлик башындагылар адатынча ар кайсы калптын бирин айтып анткорлонушууда. Көрсө, референдум, Конституцияга өзгөртүү, толуктоо киргизүү деген бул жөн гана бийлик талашуу, качан эл кубалап жибергенче жеп-ичип, талап-тоноп отура берүү турбайбы. Бул аралыкта бийлик түп нускасы жок болсо да Конституцияны өзгөртөбүз деп беттегенинен кайтпаса, оппозиция тарап ага каршы кол топтоодо. Деги 11-декабрдагы референдумда дагы бир балакет чыгып кетпес бекен?
Булак: “Майдан. Kg” гезити
КОММЕНТАРИЙ КАЛТЫРУУ