Акыркы жума коомдо талаш жараткан пикирлерге толду. Алардын бири өлкө башчысына карата айтылган сын сөздөргө тыюу салынсын деген талапта болду. Бир гана өлкө башчысына эмес дегеле сөз эркиндигине тыюу салуу азыркы коомдо кандай ой-пикир жаратты? Негизи бизден башка мамлекеттердин өлкө башчыларына бизде айтылгандай сындар жокко эсе. Бул жаатта сурамжылоо жүргүзүп көрдүк.
– Президентке сын пикирлер айтылбасын дегенге кандай карайсыз?
– Бул пайдасыз жана натыйжасыз көрсөтмө. Кыргызда “баш кесмей бар, бирок тил кесмей жок” деген эскиден калган сөз бар. Мисалы, мен СССР мезгилинде да ачуу чындыкты айтып келгем. 1991-жылдан баштап ушул күнгө чейин да президент болобу, премьер болобу, бөлөгү болобу, алар жөнүндө сын-пикирлеримди айтып келе жатам. Аллахтан башка ким тилимди тыя алат?
Булак: Асман плюс
КОММЕНТАРИЙ КАЛТЫРУУ