«Актөбө» футбол клубунун башкы директору Дмитрий Васильев бюджеттик каражаттарды уурдоого айыпталып кармалды. Бул тууралуу мамлекеттик кызмат иштери жана коррупцияга каршы күрөшүү агенттиги билдирүүдө.
Васильев сый акыларды мыйзамсыз жол менен таратуу менен 300 миллион теңгени кымырып алган деп шектелүүдө.
Антикоррупциялык кызматтын билдиришинче, футбол боюнча Казакстан чемпиондугунун биринчи этабында “Актөбө” күчтүү командалардын алтылыгына киргендиги үчүн машыктыруучуларга жана футболчуларга 69 миллион теңге сый акы берилген. Анын ичинен 15 миллион теңгесин жетекчи өзү алган.
Васильев Казакстанга Орусиядан келген. Ал буга чейин “Жетисуу” командасынын директору, Казакстан футбол федерациясында башкы менеджер болуп иштеген.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ