АКШнын жаңы шайланган президенти Дональд Трамп инаугурациядан кийин Хиллари Клинтонду кылмыш жоопкерчилигине тарттыруу ниетинен баш тартты. Бул тууралуу Трамптын шайлоо командасынын менеджери билдирди.
Кеп Клинтон АКШнын мамлекеттик катчысы болуп турганда колдонгон жеке почта сервери жана Клинтондун үй-бүлөсүнүн фондунун ишмердүүлүгү жөнүндө болуп жатат.
Washinton Post гезити жазгандай, Дональд Трамптын кылмыш ишин ачуу же токтотуу боюнча чечимдери бийликтин саясий жана укуктук протоколдорунун мурун болуп көрбөгөндөй өзгөрүшүн түшүндүрүшү мүмкүн.
Ушул учурга чейин Кошмо Штаттарда кылмыш ишин ачуу, токтотуу же документтерди текшерүү жана айып тагуу – бул башкы прокурордун же Федералдык иликтөө бюросунун иши болуп келген.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ