Тажикстан өкмөтү каржылык абалды жакшыртуу жана банкроттон сактап калуу үчүн «Точиксодиротбанк», «Агроинвестбанк», «Фононбанк» жана «Точпромбанкка» 3 миллиард сомони (500 миллион доллардай) акча бөлөт.
Өлкөнүн Улуттук банкынын маалыматы боюнча бийлик «Точиксодиротбанкка» 2 миллиарддай сомони, «Агроинвестбанкка» 1 миллиард 200 миң сомони которот. Калган каражаттар «Фононбанк» менен «Точпромбанк» ортосунда бөлүштүрүлөт.
«Точиксодиротбанк» жана «Точпромбанкка» киргизилген убактылуу администрация ишин аяктады. Каржы мекемелеринин жетекчилери Улуттук банк менен бирге келерки айда финансылык абалды жакшыртуу боюнча пландарын көрсөтүшү керек.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ