Орусиянын Жогорку соту Украинанын Жогорку Радасынын депутаты, крым-татарларынын лидери Мустафа Жемилевдин Орусия аймагына кирүүсүнө беш жылдык тыюу салынгандыгы боюнча даттануусун карайт. Бул тууралуу «Интерфакс» маалымат агенттиги жазды.
Мустафа Жемилев — Крымдын Орусия тараптан аннексияланышына каршы чыккан Украинанын жараны, крым-татар элинин межлисинин мурдагы башчысы. 2014-жылы орус бийлиги Жемилев экстремисттик билдирүүлөрдү жасаган деген жүйө менен анын Орусиянын аймагына кирүүсүнө беш жылга тыюу салган. Жемилевге каршы Орусияда кылмыш кодексинин үч беренеси боюнча иш козголгон, бирок кайсыл беренелер экендиги айтылган эмес. Ал сыртынан соттолуп, учурда федералдык издөөдө.
Ушул жылдын апрелинде орус бийлиги крым-татар межлисин экстремизмге айыптап, анын Орусия тарабынан аннексияланган жарым аралдын аймагындагы ишмердүүлүгүнө тыюу салган. Орусиянын мындай чечимин Кошмо Штаттар, Европа биримдиги, Украина жана Түркия айыптаган.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ