Президент болом деп талпынып турган саясатчылардын катарында Темир Сариев да бар. Ал акыркы кездери саясатта активдешип, майрам сайын элди куттуктап, ар бир окуяга баасын берип баштады. Бирок Сариевдин буга чейинки басып өткөн жолу президенттик шайлоодо абдан эле тоскоол болору айтпаса деле белгилүү. Сокулук тарапта элди түндүк-түштүккө бөлүп, трайбалисттик кадамдарга барганы азыркы учурга чейин кеп болуп жүрсө, Балыкчы- Корумду жолундагы тендер чатагы али басыла элек. Сариев дал ушул жолдун айынан кызматтан кеткени, анын 6 млн. доллар пара алгандыгы боюнча басма сөз беттеринде тынбай жарыяланып келет. Анын үстүнө Башкы прокуратуранын Балыкчы-Корумду жолу боюнча иликтөөсү да аягына чыга элек.
Булак: “Де-Факто”
КОММЕНТАРИЙ КАЛТЫРУУ