Кыргызстандын Куралдуу күчтөрүнүн Кургактагы аскерлери түзүлүп, анын кол башчысы болуп Эрлис Тердикбаев дайындалды. Тиешелүү жарлыкка президент Алмазбек Атамбаев кол койгонун мамлекет башчынын басма сөз кызматынан билдиришти.
Маалыматка караганда, Кургактагы аскерлер өлкөнүн аскердик коопсуздугун бекемдөө максатында түзүлдү. Жарлыкка ылайык, жаңы аскердик бирикме өлкөнүн Генералдык штабына түз баш ийет жана кургактагы аскер бирикмелеринин, бөлүктөрүнүн жана мекемелеринин башкаруу органы болуп саналат.
Кургактагы аскерлердин командачысы кызматка президент тарабынан дайындалып, президент тарабынан бошотулат.
Булак: “Борбор Азия жаңылыктар кызматы”
КОММЕНТАРИЙ КАЛТЫРУУ