Бүгүн, 31-январдан тарта кар көчкүдөн улам үч күндөн бери жабык турган Дүйшөмбү-Худжанд автожолу ачылды. Бирок азырынча бир тараптуу режимде гана иштеп жатат. Бир күнү Дүйшөмбүдөн, экинчи күнү Худжанддан чыккандар үчүн жол ачык болот.
Өзгөчө кырдаалдар комитети кабарлагандай, бүгүн Худжанд багыты боюнча трасса ачык. Транспорт министрлиги киргизген бул чектөө белгилүү бир убакытка чейин сакталат.
28-январдан тарта кар көчкүдөн улам Дүйшөмбү-Худжанд жолунун айрым бөлүктөрү жабылып, жүздөгөн жүргүнчү, 150дөй жеңил жана оор жүк ташуучу транспорт туткунда калган. Расмий маалыматтар боюнча көчкүнүн алдында калып алты киши мерт кетти, дагы үч адам табыла элек.
Булак: “Борбор Азия жаңылыктар кызматы“
КОММЕНТАРИЙ КАЛТЫРУУ