Жогорку Кеӊештин КСДП фракциясы Саламаттык сактоо министрлигинин ишин жетишсиз деп тапты. Кечээ 3-мартта Саламаттык сактоо тутумунун абалы, аны реформалоо боюнча Өкмөттүн иши жөнүндө угулган маалыматтын негизинде ушундай чечим кабыл алынды. Бул тууралуу КР ЖК басма сөз кызматы билдирди.
Белгилей кетсек, жыйын жүрүшүндө өлкөнүн саламаттыкты сактоо тармагынын азыркы абалы, анда жүрүзүлүп жаткан кайра курумдар, Саламаттык сактоо министрлиги менен медициналык мекемелердин иши боюнча, саламаттыкты сактоо министри Талантбек Батыралиевдин жеке өзүнүн дарегине көптөгөн сын пикирлер айтылып, бир катар иштиктүү сунуштар берилди.
Жыйын соӊунда депутат Марат Аманкулов министр Талантбек Батыралиевге ишеним көрсөтпөө маселесин койду. Ал эми фракция башчысы Иса Өмүркулов Саламаттык сактоо министрлигинин ишин жетишсиз деп табуу жөнүндө сунушун берди. Добуш берүү жыйынтыгында экинчи сунуш колдоого ээ болду.
КОММЕНТАРИЙ КАЛТЫРУУ