Орусиянын Коргоо министрлиги Сирияда орусиялык аскер кызматкери Артем Горбуновдун курман болгонун ырастады. Бул тууралуу “Интерфакс” агенттиги билдирди.
Мекеменин маалыматы боюнча Горбунов Пальмиранын алдында «Ислам мамлекетинин» жоочулары менен болгон согушта мерт кеткен.
24 жаштагы Горбуновдун каза болгондугу тууралуу мурдараак көз карандысыз Conflict Intelligence Team тергөө тобу билдирген.
Дүйшөмбү күнү Сирияда дагы бир орусиялык аскер — 23 жаштагы Иван Слышкиндин курман болгондугу белгилүү болду. РБКнын маалыматы боюнча ал «Вагнердин тобу» деп аталган каттоодон өтпөгөн жеке аскердик компаниянын катарында кызмат өтөп жүргөн.
Бул маалыматты өлкөнүн Коргоо Министри ырастаган да, төгүндөгөн да жок. Мекеме “Интерфакс” жолдогон катка жооп катары Слышкин 2013-жылы запаска жөнөтүлгөнүн гана билдирген.
Расмий маалыматтар боюнча эле Сириядагы согуштук операциялар башталган бир жарым жылдын ичинде орусиялык 30га жакын аскер курман болду.
Булак: Борбор Азия жаңылыктар кызматы
КОММЕНТАРИЙ КАЛТЫРУУ