Бишкекте Евразиялык экономикалык биримдикке мүчө өлкөлөрдүн премьер-министрлеринин жолугушуусу башталды. Анда Орусиядан Дмитрий Медведев, Казакстандан Бакытжан Сагинтаев, Беларустан Андрей Кобяков, Армениядан Карен Карапетян жана Кыргызстандан Сооронбай Жээнбеков кеңири жана тар чөйрөдө экономикалык орчун маселелерди талкуулашат.
Кечээ Евразиялык өкмөттөр аралык кеңештин жыйынынын алкагында Казакстан премьер-министри Бакытжан Сагинтаев менен кыргыз өкмөт башчысы Сооронбай Жээнбеков жолугуп, эки тараптуу мамилелерди, чек ара, транспорттук-логистикалык жана энергетикалык тармактарда кызматташуу маселелерин талкуулашкан.
Евразиялык өкмөттөр аралык кеңеш уюмдун Жогорку кеңешинде кабыл алынган чечимдер менен макулдашуулардын аткарылышын камсыздоону көздөйт.
Бүгүн ЕАЭБге мүчө өлкөлөрдүн өкмөт башчыларынын Кыргызстан президенти Алмазбек Атамбаев менен жолугары күтүлүүдө. Жолугушуунун жыйынтыгында бир катар документтерге кол коюлат.
ЕАЭБге Орусия, Казакстан, Беларус, Кыргызстан жана Армения мүчө.
Борбор Азия жаңылыктар кызматы
КОММЕНТАРИЙ КАЛТЫРУУ